Izimpawu Ezilawulayo

Izimpawu Ezilawulayo: Izibani Zethrafikhi

Izibani zethrafikhi

Lapho zibekwa khona: Lapho ubuningi bethrafikhi bungalawuleka kangcono ngezibani zethrafikhi ezimpambanweni, lapho imigwaqo ihlangana khona, eziwelweni zabahamba ngezinyawo, njll.

Inhloso: Ukulawula ithrafikhi evela ezindaweni ezahlukene.

Okumele kwenziwe: Lezi zibani kumele zilalelwe ngaso sonke isikhathi ngale ndlela elandelayo:

Isibani esibomvu sikhanyile

Yehlisa isivinini bese umisa imoto ngokuphelele. Ingaphambili lemoto kumele libe ngemuva nqo komugqa wokuma opendwe emgwaqweni.

Isibani esibomvu sikhanyile

Isibani esiphuzi (i-amber) sikhanyile

Yehlisa isivinini bese umisa imoto ngokuphelele. Ingaphambili lemoto kumele libe ngemuva nqo komugqa wethrafikhi opendwe emgwaqweni.

Isibani esiphuzi (i-amber) sikhanyile

Isibani esiluhlaza sikhanyile

Ungaqhubeka (uma kuphephile) ungaqhubeka ushayele. Emarobhothini qaphela abahamba ngezinyawo nezimoto.

Isibani esiluhlaza sikhanyile

Uhlahla oluphuzi lukhanyile

Misa imoto yakho ngemuva komugqa wokuma uma uhlose ukuphendukela ngendlela eboniswa uhlahla. Qhubeka kuphela lapho uhlahla oluluhlaza lubenyeza.

Uhlahla oluphuzi lukhanyile

Uhlahla olubomvu olubenyezayo

Uhlahla olubomvu olubenyeza ngakwesokunxele — ngemva kokuma, umshayeli angaphenduka uma ingekho enye ithrafikhi. Khumbula ukuyekela abahamba ngezinyawo kanye nethrafikhi esondelayo efuna ukuphendukela kwesokudla, nethrafikhi evela ngakwesokudla edlula empambanweni.

Uhlahla olubomvu olubenyezayo

Uhlahla oluluhlaza olubenyezayo/olumile

Izinhlahla eziluhlaza ezibenyezayo — Ilungelo lokudlula ngendlela eboniswa uhlahla olubenyezayo.

Uhlahla oluluhlaza olumile — Lubonisa indlela okumele ithrafikhi ihambe ngayo, isibonelo emigwaqweni ehamba ngandlela-nye.

Uhlahla oluluhlaza olubenyezayo/olumile

Isibani sendoda ebomvu sikhanyile

Abahamba ngezinyawo abavunyelwe ukuwela umgwaqo uma le ndoda ikhanya. Kumele balinde indoda eluhlaza ngaphambi kokuba baqhubeke.

Isibani sendoda ebomvu sikhanyile

Isibani sendoda eluhlaza sikhanyile

Indoda eluhlaza ekhanyayo inikeza abahamba ngezinyawo ilungelo lokuwela umgwaqo.

Isibani sendoda eluhlaza sikhanyile